Skuadra nga Drenasi, Feronikeli, shënuar fitore në terren të vet, duke mposhtur Vushtrrinë me rezultatin 3:1, shkruan lajmi.net.

Golin e parë në këtë takim e shënoi Harmon, kur kishin kaluar vetëm nëntë minuta lojë, kurse epërsinë e nikoqirëve e dyfishoi Zeka, në minutën e 16’.

Mysafirët ngushtuan epërsinë në minutën e fundit të pjesës së parë, kur Azemi dërgoi topin në rrjetë.

Në pjesën e dytë, Feronikeli gjeti edhe një herë golin, kësaj radhe me Lladrovcin, i cili në minutën e 70’ vulosi rezultatin final 3:1.

Me këtë fitore, Nikli shkon në 37 pikë, për pozitën e pestë në tabelë. Vushtrria mbetet me 16 pikë në pozitën e parafundit në tabelë. /Lajmi.net/