Bruno Fernandes foli pas fitores së madhe të Man United ndaj Man City.

Manchester United fitoi 2:1 në shtëpi ndaj Manchester City, transmeton lajmi.net.

Në këtë fitore rol të rëndësishëm luajti Bruno Fernandes, pasi shënoi golin e barazimit, në minutën e 80`.

Pas ndeshjes ishte vetë portugezi që foli, duke e konsideruar tani ‘Djajtë e Kuq’ si një skuadër.

“Unë ia thashë skuadrës para ndeshjes, tani dukemi si një skuadër. Disa muaj më parë ndonjëherë mund të shihje një skuadër, ndonjëherë një prej nesh duke kërkuar veten. Tani shikon një ekip të duhur”, ishin fjalët e tij.

United tani renditet në vendin e tretë në tabelë në kuotën e 38 pikëve, në krahasim me Cityn që zë vendin e dytë me 39 pikë të arkëtuara./Lajmi.net/