Ferizajasit: Jabllanoviq jashtë Qeverisë (Foto)

Protestë kundër deklaratave fyese të ministrit të Kthimit, Aleksandar Jabllanoviq, është mbajtur sot edhe në Ferizaj. Protestuesit kanë kërkuar largimin e ministrit serb nga qeveria e Kosovës. 

Lajme

20/01/2015 14:05

Qindra protestues ferizajas sot kanë marshuar rrugëve kryesore të qytetit, duke mbajtur në duar parulla përmes të cilave kërkohet largimi i ministrit të Kthimit Aleksandar Jabllanoviq nga qeveria e Kosovës. 

Edhe kjo protestë u organizua në vargun e protestave kundër deklaratave fyese të Jabllanoviqit ndaj nënave gjakovare, të cilat i kishte quajtur egërsira. 

Jabllanoviq, dje u ka kërkuar falje publike nënëve gjakovare, por edhe kjo nuk ka ndikuar në ndaljen e protestave kundër tij. 

Përveç kësaj, protestuesit janë shprehur edhe në mbrojtje të kombinatit industrial Trepça, duke thënë se ajo është e Kosovës, dhe duhet mbrojtur.