Të Infektuar: 14119

Të Shëruar: 10546

Të Vdekur: 563

Fauci nuk beson se koronavirusi ka dalë nga laboratorët e Kinës

18:16 | 10 Gusht 2020

Edhe Anthony Fauci, si shumica e bashkësisë shkencore ndërkombëtare nuk beson në mundësinë që koronavirusi ka ardhur nga një laborator kinez.

Në një intervistë për National Geographic, eksperti më i lartë amerikan për sëmundje infektive dhe anëtar i grupit të Shtëpisë së Bardhë shpjegoi se “nëse shikoni evolucionin e virusit tek lakuriqët dhe çfarë ka tani, provat shkencore shkojnë fuqishëm në drejtimin që virusi nuk mund të manipulohej artificialisht ose qëllimisht”.

Sekretari i Shtetit Mike Pompeo përsëriti qëndrimin e Shtëpisë së Bardhë, se ka prova të rëndësishme që virusi vjen nga një laborator kinez.

Pekini ka mohuar gjithmonë, po ashtu disa shtete kanë shfaqur dyshime për transparencën e autoriteteve kineze në menaxhimin e kësaj krize.