Familjarët e personit që vdiq në Merdare, vdekja ishte natyrale (Video)
61 vjeçari Mustafë Bislimi, nga Bllofci i Podujevës, i cili mbrëmë ndërroi jetë teksa ishte nisur drejt Gjermanisë në mënyrë legale për ta vizituar të bijën, ndërroi jetë në autobus në pikën kufitare në Merdare.
![](https://lajmi.net/wp-content/uploads/media/image/201502/full/89545500_89552400.jpg)
Lajme
Sipas familjarëve dhe policisë, vdekja e tij ishte natyrale.
Familjarët e 61 vjeçarit kanë treguar për Klan Kosova se ai kishte jetuar edhe më parë në shtetin gjerman dhe se Mustafa nuk kishte pasur asnjëherë probleme shëndetësore.
“Kur u afrua autobusi te kufiri, i ka thënë shoferit ta ndalë autobusin se po i vinte njëfarë ligësimi. Në atë moment ka zbritë nga autobusi dhe aty për aty ka vdekur”, ka thënë njëri nga familjarët e të ndjerit, transmeton Indeksonline.
Familjarët po ashtu kanë pohuar se Mustafa kishte marrë vendim për të shkuar në Gjermani brenda ditës dhe se arsyeja nuk ka qenë se ka pasur probleme financiare.