Louis van Gaal ka bërë të ditur se Radamel Falcao do të mungojë në derbin e Manchesterit të dielën për shkak të një lëndimi, por Wayne Rooney rikthehet në dispozicion.

Rooney ka munguar në tri ndeshjet e fundit të Unitedit pas përjashtimit ndaj West Hamit në shtator. Por, Van Gaal ka paralajmëruar se Rooney do të luajë kundër Manchester Cityt.

“Falcao është ende i lënduar. Kurse, Rooney nuk ka qenë asnjëherë i lënduar. Ai do të luajë, është kapiteni im”, deklaroi Van Gaal për mediat britanike.

“Mendoj se edhe Valencia do të jetë i gatshëm për lojë. Rooney ka shënuar shumë gola kundër Cityt, më shumë se cilido futbollist. Jam i kënaqur që do të luajë”, u shpreh holandezi.