Chelsea është i interesuar për transferimin e mesfushorit të Barcelonës, Cesc Fabregas.

Sipas medieve spanjolle, ylli i gjigantit katalan do të largohet nga klubi gjatë këtij afati kalimtar të verës në rast se paraqitet ndonjë palë e interesuar për blerjen e tij.

Çmimi i vendosur për Fabregasin nga Barcelona është 36 milionë euro.

Dhe, tabloidi britanik Daily Mail, ka bërë të ditur se Chelsea është paralajmëruar se Fabregas është në shitje dhe do të tentojë transferimin e tij në Stamford Bridge.

Për më tepër, Daily Mail ka paraqitur Fabregasin në një foto-montazh, në trupin e Eden Hazardit, me fanellën e Chelseas.

Kjo, për të treguar se Blues e kërkojnë seriozisht ish kapitenin e Arsenalit i cili ka përvojë të madhe nga Premierliga dhe pritet të rikthehet në elitën e futbollit anglez.