Trajneri i Liverpool, pas golit të shënuar nga Divock Origi në aksionin e fundit të ndeshjes kundër Everton, u fut në fushë për ta festuar golin.

Ai vrapoi drejt portierit Alisson Becker duke mos u përmbajtur nga gëzimi i madh.

Kjo ishte edhe arsyeja pse FA mund ta dënojë trajnerin gjerman, shkruan “Goal”, transmeton lajmi.net.

Jurgen Klopp ka afat deri më gjashtë dhjetor, në ora shtatë, t’i përgjigjet akuzave të FA.

Nëse ai e pranon fajin atëherë do të gjobitet me të holla dhe do t’i tërhiqet vërejtja për herën tjetër.

Klopp njihet si njëri nga trajnerët më emocional në botën e futbollit. Festimet e tij gjithmonë janë të çmendura. /Lajmi.net/