Euro U21: Austria demolon Kosovën – i shënon katër herë për tri pikët
Kombëtarja e Austrisë ka rezultuar shumë e fortë për Kosovën, në kategorinë U21.
Sport
Austria U21 ka mposhtur me rezultatin 4:0 kombëtaren e Kosovës, duke marrë tri pikë të vlefshme kështu në rrugëtimin drejt Euro 2021, shkruan lajmi.net.
Goli i parë i këtij takimi erdhi qysh në minutën e 14’, kur Raguz shënoi për 1:0.
Nuk vonoi shumë dhe Friedl dyfishoi epërsinë e nikoqirëve, kur luhej minuta e 20’ e takimit.
Friedl u shfaq përsëri në skenë në minutën e 69’, duke shënuar 3:0, për t’i dhënë fund shpresave të Dardanëve.
Rezultati final u vendos nga Lovric, i cili me saktësi nga pika e bardhë e penalltisë vendosi rezultatin 4:0.
Me këtë rezultat Kosova mbetet në kuotën e gjashtë pikëve, për pozitën e tretë, kurse Austria numëron 12 pikë në pozitën e 2-të. /Lajmi.net/