Euro 2020: Këta janë katër lojtarët me moshën më të re që luajtën tek Kosova
Kombëtarja e Kosovës ka regjistruar një kampanjë të mrekullueshme kualifikuese, në kuadër të Euro 2020.
Sport
Dardanët përfunduan në pozitën e tretë të grupit A, duke mos arritur të marrin një biletë, por kanë shansin edhe përmes Ligës së Kombeve.
E ardhmja e Kosovës është e ndritur, dhe kjo tregon edhe mosha mesatare e skuadrës, por edhe lojtarët më të rinj që janë aktivizuar gjatë këtyre kualifikueseve.
Edon Zhegrova i Basel është lojtari më i ri që ka luajtur me Kosovën në këto kualifikuese (20 vjeçar), përcjell lajmi.net.
Arijanet Muric, Florent Muslija dhe Ibrahim Dresevic janë tre lojtarët tjerë, që kanë nga 21 vite mbi supe, e që iu dha mundësia nga Bernard Challandes.
Kosova dhe Anglia ishin dy prej kombëtareve me moshën më të ulët mesatare në skuadrat e tyre. /Lajmi.net/