Antonio Miguel Mateu Lahoz ka fituar nderin të ndajë drejtësinë në derbin e madh të futbollit spanjoll mes Barcelonës dhe Real Madridit, që do të zhvillohet më 22 mars në Camp Nou.

Bëhet fjalë për një prej gjyqtarëve më të mirë në Evropë, i cili e ka statusin ndërkombëtar nga viti 2011, ndësa së fundmi ndau drejtësinë edhe në duelin e Ligës së Kampionëve mes Juventusit dhe Borussia Dortmundit (2:1).

Ai ndau drejtësinë në tri takime të Realit këtë edicion, dhe asnjëri prej tyre nuk u mbyll me fitoren e Los Blancos.

Lahoz ka ndarë drejtësinë në 129 ndeshje në La Ligë dhe shumë lehtë nxjerr kartonë. Ai ka shfaqur 578 të verdhë dhe 38 të kuq.