Të Infektuar: 1147

Të Shëruar: 874

Të Vdekur: 30

Ekipi i Kosovës në boks kryen testet për koronavirus, gati të dalë nga karantina

15:08 | 2 Prill 2020

Sot i kanë kryer testet për koronavirus ekipi i Kombëtares së Kosovës në boks, që erdhi nga Londra dy javë më parë.

Ata qëndruan në karantinë në Qendrën e Studentëve në Prishtinë për dy javë ndërsa sot u janë bërë testet për koronavirus ku edhe do të lirohen për në shtëpi.

Delegacioni i boksit u vendos në karantinë pas rikthimit nga Londra ku ishin pjesëmarrës në garën evropiane kualifikuese për Lojërat Olimpike “Tokio 2020”.

Zëdhënësi i Federatës së Boksit të Kosovës, Latif Demolli i cili së bashku me 4 boksierë dhe dy trajnerë po qëndrojnë tash e 16 ditë në karantinë në qendrën e konvikteve në Prishtinë, ka thënë se po shkojnë në shtëpi.

“Testi i fundit sot dhe po shkojmë në shtëpi”, ka shkruar Demolli në Facebook, përcjellë disa video ku shihen zyrtarët e boksit duke iu nënshtruar testit se ta marrin përgjigjen përfundimtare. /Lajmi.net/