Ish-spiuni amerikan, ka deklaruar se qeveria e Mbretërisë së Bashkuar ka investuar shumë në teknologji për të hakuar telefonat, transmeton lajmi.net.

Gjatë një interviste dhënë BBC, ai ka zbuluar se qendra e komunikimit të qeverisë (GCHQ) në Cheltenham, përdor një program të fshehtë të koduar me emrin Smurfs me të vetmin qëllim për të monitoruar qytetarët.

“Programi ‘Dreamy Smurf’, është një pajisje që mund të ndezë dhe fik telefonin pa e ditur ju. Kurse ‘Nosey Smurf’, është një pajisje tjetër e cila për shembull nëse është në xhepin tuaj mund të ndez mikrofonin dhe të dëgjoj diçka rreth jush. Por edhe nëse telefoni juaj është i fikur, ata kanë pajisje speciale që mund ta ndezin”, ka deklaruar Snowden. (lajmi.net)