Kryeministri Hashim Thaçi kohëve të fundit ka qenë shumë aktiv nëpër rrjetet sociale. Fillimisht ai hapi një llogari në Facebook, ku u pasua me hapjen e llogarisë në Twitter dhe Instagram.

Së fundmi, nëpërmjet aplikacionit “Shkruaj Thaçit”, Kryeministri Hashim Thaçi po ju përgjigjet me video, pyetjeve të qytetarëve.

Qytetari Fatlum Morina e ka pyetur Kryeministrin Hashim Thaçi se çka do të bëhet në lidhje me problemin e veriut? A do ta zgjidhim shpejt?

Kryeministri Hashim Thaçi ka se ndërhyrja e Policisë më 25 korrik të 2011 ka lëvizur jo vetën Kosovën por të gjithë botën.

Ai është i bindur se me mbështetjen e BE’së dhe SHBA’së, veriu i Kosovës do të funksionoi si gjithë “Kosova  europiane”.

“Më 25 korrik të vitit 2011 me urdhrin tim, Policia e Kosovës ka marrë në kontroll pikën 1 dhe 31. Në atë kohë, me atë aksion ne kemi lëvizur gjithë bashkësinë ndërkombëtare, me një mbështetje të fuqishme që e kemi pasur. Pa lëvizur ne në atë kohë nuk do të lëvizte bota, prandaj edhe arritëm që të fillojmë edhe procesin e negociatave për normalizimin e marrëdhënieve në mes të shtetit të Kosovës dhe Serbisë.

“Jam i bindur se me mbështetjen e Shteteve të Bashkuara të Amerikës, Bashkimit Europian, tani veç kemi filluar normalizimin e gjendjes në veri. Ka filluar së funksionalizuari Doganat e Kosovës, procesi i IBM’së, komuniteti serb po integrohet në Policinë e Kosovës, për të punuar gjithmonë me Kushtetutën dhe Ligjet e Kosovës. Ka filluar edhe lëvizja e lirë e mallrave”.

“Ndërsa unë shpejt besoj se do të kemi takimin e radhës në Bruksel ku do të mirremi vesh edhe për sistemin e drejtësisë dhe veriu i Kosovës do të jetë dhe do të funksionoi, sikur e gjithë Kosova evropiane”, ka qenë përgjigja e Hashim Thaçit.