Pas Taylor Swift e Calvin Harris, e më pas edhe Zayn dhe Gigi Hadid, tani lidhjes së tyre gjashtë vjeçare i kanë dhënë fund edhe çifti Demi Lovato dhe Wilmer Valderrama.

“Ky ishte një vendim shumë i vështirë për të dy, por kemi kuptuar që ndihemi më mirë si shokë të ngushtë. Do jemi gjithmonë të gatshëm për të mbështetur njëri-tjetrin. Falenderojmë këdo që na ka ofruar dashuri dhe suport gjithë këto vite”, shkruhet në shënimin e saj.

Lovato dhe Wilmer Valderrama u takuan në vitin 2010 në setin fotografik “Voto Latino”, dhe që prej atëhere ata kanë qenë të pandarë.

Ai i ka qëndruar pranë këngëtares gjatë periudhës kur ajo luftonte varësinë ndaj drogës dhe çregullimet me ushqyerjen.