E papritur: Guarin rikthehet në Serie A

23:54 | 17 Korrik 2019

Fredy Guarin ka ndarë rrugët me skuadrën kineze, Shanghai Shenhua, me mundësinë për t’iu bashkuar Atalantas.

Skuadra kineze ka njoftuar të mërkurën se Guarin ka ndërprerë kontratën me klubin.

Mesfushori i ishte bashkuar Shenhuas nga Interi në janar të vitit 2016, dhe në Kinë ka arritur të shënoi 28 gola dhe 22 asistime në 100 paraqitje.

33 vjeçari raportohet se do të rikthehet në Itali, dhe sipas Tuttomercatoweb, ai mund t’i bashkohet Atalantas.

Me Atalantën, Guarin do të paraqitej në Ligën e Kampionëve./Lajmi.net/