Dy fytyrat e Barcelonës: Jofunksionale si mysafire, ‘vdekjeprurëse’ në shtëpi

23:36 | 15 Shtator 2019

Me katër ndeshje të luajtura në La Liga këtë sezon, Barcelona ka impresionuar me paraqitjet e tyre në ‘Camp Nou’, por nuk kanë arritur ta bëjnë këtë në ndeshjet si mysafire.

Në ndeshjen hapëse të ligës kundër Athletic Bilbaos, Ernesto Valverde vendosi Carles Alena, Frenkie de Jong dhe Sergi Roberto në mesfushë dhe ‘Blaugranët’ dukeshin të shkëputur gjatë gjithë ndeshjes, deri në golin fitues të Aritz Aduriz.

Një javë më vonë, Real Betis vizitoi Barcelonën, i cili pa Antoine Griezmann duke shënuar golin e tij të parë me ekipin e tij të ri dhe produktet e akademisë si Carles Perez dhe Ansu Fati duke qenë në qendër të vëmendjes, përcjell lajmi.net.

Në vazhdim ishte Osasuna e sapo promovuar në kampionatin spanjoll, ku skuadra e Valverde vuajti edhe një herë dhe barazoi 2-2 megjithë golin e parë të Fati me klubin.

16-vjeçari ishte personazhi kryesor edhe një herë në ndeshjen e së shtunës kundër Valencias, pasi shënoi golin e parë të skuadrës së tij dhe asistoi të dytin për De Jong.

Dy ndeshjet larg stadiumit të vet presin Barcelonën, ​​së pari te Borussia Dortmund në Ligën e Kampionëve dhe Granadan në La Liga dhe mbetet të shihet nëse skuadra katalanase mund të imitojë përformancat e tyre bindëse në shtëpi deri më tani këtë sezon. /Lajmi.net/