Durant kthehet në stërvitje, mund të jetë i gatshëm për ndeshjen e 5-të finale
Golden State Warriors ka marrë një ‘gjysmë lajmi’ të mirë para ndeshjes së pestë finale të ‘Play Off’, në NBA.
Sport
Warriors nuk kanë mundur të llogarisin në shërbimet e Kevin Durant në asnjërën prej ndeshjeve finale, pasi lojtari kishte pësuar një dëmtim gjatë ndeshjes me Houston Rockets.
Kampionët në fuqi tashmë e gjejnë vetën në disavantazh prej 3:1, dhe kjo mund të jetë edhe ndeshja e fundit sezonale për ta.
Por, Kevin Durant është rikthyer në stërvitje, duke rritur shpresat për një rikthim të mundshëm për ndeshjen e 5-të, përcjell lajmi.net.
KD do të ishte një ndihmë e madhe për Steph Curry, i cili e ka pasur të pamundur të garojë kundër skuadrës së Toronto Raptors.
“Do të shohim se si do të shkojnë gjërat deri në momentin e fundit para se të vendosim. Lojtari do të jetë në stol, por edhe mund të luajë nga minuta e parë. Do të bëjmë edhe një seancë gjuajtjesh për të kuptuar gjendjen e lojtarit”, tha Steve Kerr, para ndeshjes. /Lajmi.net/