Dukagjini afër kualifikimit, Istogu mbetet me ‘shpresa’
Dukagjini ka fituar me rezultat 2-1 ndaj Istogut në ndeshjen e parë gjysëmfinale në stadiumin “Demush Mavraj”.
Sport
Pas golave të shënuar nga A. Merlaku 28′ dhe E. Basriu 77′, Dukagjini është afër finales së Kupës së Kosovës, shkruan lajmi.net.
R. Mazrekaj shënoi golin e ‘shpresës’ për skuadrën e Istogut, pasi një rikthim mund të ndodhë në ndeshjen e dytë.
Theksojmë se në minutën e 70-të, Q. Jahaj ka humbur penalltinë për Istogun.
Të dy skuadrat vijnë nga Liga e Parë, dhe po luftojnë për një rikthim të mundshëm në Superligë.
Derisa, ndeshja e kthimit do të luhet më 21 prill në Dukagjin në stadiumin “18 Qershori”./Lajmi.net/