“Dramë” në ‘Minatori’, KB Trepça e mposht në sekondat e fundit Sigal Prishtinën
KB Trepça e ka fituar derbin e javës në Superligën e Kosovës në basketboll, duke e mposhtur Sigal Prishtinën, në sekondat e fundit, me rezultat 84:83.
Sport
Mitrovicasit që ishin në disavantazh gjatë gjithë ndeshjes, u këndellën në çerekun e katërt, për të barazuar rezultatin fillimisht, për ta dërguar lojën në vazhdime prej pesë minutash.
Kur po luheshin sekondat e fundit të vazhdimeve, Sigal Prishtina kishte epërsi prej tre pikësh, por Wise me një treshe barazoi rezultatin, ndërsa gjatë gjuajtjes u pengua, duke fituar edhe një gjuajte dënimi, të cilën e shënoi, për t’ia dhuruar fitoren KB Trepçës, në ndeshjen më interesante të këtij stinori./Lajmi.net/