Dramë në Gjilan, Feronikeli mposht Dukagjinin
Kanë përfunduar dy ndeshjet e para të kësaj jave në Superligën e Kosovës.
Sport
Drama ka ndodhur në Gjilan, ku Drita ka barazuar në fund ndaj Trepçës ’89.
Arb Manaj (27’) realizoi për epërsinë e ‘Xehetarëve’, ndërsa Fortunado (90+1′) barazoi gjithçka.
Pas gjashtë ndeshjeve, Drita ka 10 pikë në vendin e tretë kurse ekipi mitrovicas 8 sosh.
Feronikeli nuk e ka pasur të lehtë ndeshjen kundër Dukagjinit, ekipi i vetëm pa fitore këtë edicion.
Skuadra nga Drenasi ka fituar 2-0 me golat e Kastriot Rexhës (54’) dhe Mevlan Zekës (90′), duke ngritur Feronikelin në pozitën e dytë me 12 pikë.
Ndërkohë, Dukagjini ka vetëm një pikë dhe një ndeshje më pak të zhvilluar. /Lajmi.net/