Raportime të ‘Corriere dello Sport’ bëjnë të ditur se Dortmund kanë bërë një ofertë për Dybala, por argjentinasi nuk po nxitohet për vendimin e tij, transmeton lajmi.net.

‘La Joya’ do të largohet nga Juventus pas shtatë viteve aventurë. Në garë për të siguruar shërbimet e tij janë disa skuadra.

Inter shihej si skuadër favorite për Dybala, por së fundmi garës i është bashkuar edhe Borussia Dortmund.

Thuhet se gjiganti gjerman ka bërë një propozim me 4.5 milionë euro për vit, dhe një rol kyç në ndërtimin e projektit.

Dybala do të ishte zëvendësues i Erling Haaland të Dortmund, sa i përket rëndësisë në klub.

Ylli argjentinas ka lënë të gjithë në pritje, dhe me gjasë do të marrë gjithë kohën e duhur për të marrë vendimin e tij. /Lajmi.net/