Borussia Dortmund mposhti Nurnbergun me rezultat 3:0 dhe u ngjit në pozitën e dytë në Bundesligë, pas disfatës së befasishme të Bayer Leverkusenit si nikoqir nga Mainz, 0:1.

Mats Hummels kaloi Dortmundin në epërsi me golin e tij në minutën e 51’të. Kurse, avantazhin e vendasve e dyfishoi sulmuesi Robert Lewandowski, duke realizuar në minutën e 64’të.

Fitoren për skuadrën e trajnerit Jurgen Klopp e vulosi Henrik Mkhitaryan me golin e tij shtatë minuta para fundit, që e dërgoi Dortmundin në pozitën e dytë në Bundesligë.

Kjo, pasi Leverkusen pësoi disfatë të befasishme në shtëpi nga Mainz me rezultat 0:1. Erik Maxim Choupo-Moting shënoi golin e vetëm të ndeshjes në minutën e 37’të.

Dortmund tani është i dyti me 45 pikë, dy më tepër se Leverkusen.

 Rezultatet:

Augsburg – Hannover 1:1

Leverkusen – Mainz 0:1

Dortmund – Nurnberg 3:0

Braunschweig – M’Gladbach 1:1

Werder – Hamburg 1:0