Doganat e Kosovës kapin 1 kg mariuhanë në Vërmicë
Doganat e Kosovës ka bërë me dije se dje në pikë kalimin kufitar në Vërmicë oficerët doganor kanë zbuluar në një veturë substanca narkotike.
![](https://lajmi.net/wp-content/uploads/2015/03/a105.jpg)
Lajme
Droga sipas oficerëve doganorë ishte fshehur tek ulëset e pasme të automjetit.
“Pas ndalimit të një automjeti me targa të Kosovës dhe ndaljes për kontroll rutinor oficerët e doganës së bashku me policinë kufitare përforcuan kontrollin e detalizuar të automjetit. Në kontroll e sipër tek ulëset e pasme, nën mbulesë janë vërejtur dy qese të zeza najloni të dyshimta. Kontrolli i mëtejmë ka gjetur edhe dy qese të tjera më të vogla në derën e bagazhit nën tapicerinë e saj, substanca narkotike ishte e llojit marihuanë në sasi prej 1.1 kg”, thuhet në komunikatë.
Policia ka arrestuar dy të dyshuar dhe ka marrë përsipër hetimet lidhur me këtë rast.