Një veturë ka marrë flakë gjatë pasdites së enjtes në autostradë, pranë daljes Prizren Jug.

Këtë për Lajmi.net e ka konfirmuar zëdhënësi i Policisë, Shaqir Bytyqi, ku tregoi se nuk ka të lënduar, por vetëm dëme materiale.

“Sot, më datë 08.08.2024, rreth orës 18:45, është raportuar për një incident zjarri në autostradë, pranë daljes Prizren Jug, ku një veturë ka marrë flakë. Fatmirësisht, nuk ka të lënduar, por vetëm dëme materiale”, ka thënë ai.

Policia dhe zjarrfikësit kanë ndërhyrë shpejt në vendngjarje dhe kanë arritur ta shuajnë zjarrin.