Digjen dy vetura të serbëve me targa “RKS” në veri, policia tregon çka ndodhi

Policia e Kosovës ka dhënë detaje për djegien e dy veturave me targa RKS në veri. Policia ka bërë me dije se rasti është paraqitur rreth orës 08:15 në Zubin Potok,  teksa ankuesit serbë kanë thënë se veturat e tyre private me targa RKS, të regjistruara një javë më parë u janë djegur, shkruan lajmi.net.…

Lajme

30/03/2023 13:18

Policia e Kosovës ka dhënë detaje për djegien e dy veturave me targa RKS në veri.

Policia ka bërë me dije se rasti është paraqitur rreth orës 08:15 në Zubin Potok,  teksa ankuesit serbë kanë thënë se veturat e tyre private me targa RKS, të regjistruara një javë më parë u janë djegur, shkruan lajmi.net.

“Palët ankuese raportojnë se veturat e tyre kanë qenë të parkuara e lagjen e tyre, para shtëpive të banimit. Pas pranimit të informacioneve njësitet policore menjëherë kanë dal në vendin e ngjarjes duke angazhuar njësitë kompetente policore si dhe janë njoftuar ekspertë të zjarrit”, thotë policia në komunikatë.

Ky është njoftimi i plotë i Policisë në veri:

Më 30.03.2023, rreth orës 08:15, në stacionin policor në Zubin Potok janë paraqitur dy ankues meshkuj/kosovar të nacionalitetit serb dhe kanë raportuar se gjatë natës, konkretisht rreth orës 02:30, nga persona të panjohur iu janë djegur dy veturat e tyre private me targa të Republikës së Kosovës (RKS), sipas tyre të regjistruara rreth një javë më përpara.

Palët ankuese raportojnë se veturat e tyre kanë qenë të parkuara e lagjen e tyre, para shtëpive të banimit. Pas pranimit të informacioneve njësitet policore menjëherë kanë dal në vendin e ngjarjes duke angazhuar njësitë kompetente policore si dhe janë njoftuar ekspertë të zjarrit.

Lidhur me rastin janë ndërmarr të gjitha veprimet e nevojshme hetimore, është njoftuar prokurori kompetent me udhëzim të të cilit është iniciuar rasti “zjarrvënie” për procedura të mëtejme hetimore.

Policia e Kosovës mbetet e përkushtuar në zbardhjen e rasteve të tilla, shtimin e patrullimeve dhe ofrimin e sigurisë për të gjithë qytetarët pa dallim. /Lajmi.net/