Gary Neville insiston se Manchester United duhet të transferojë edhe dy futbollistë të tjerë në pesë ditët e ardhshme, pasi të thyejë rekordin e blerjes më të shtrenjtë në Angli me angazhimin e Angel Di Marias.

Gjiganti nga Old Trafford ka arritur marrëveshje me vlerë prej 59.7 milionë funte me Real Madridin për transferimin e mesfushorit ofanziv argjentinas, i cili tashmë ka kryer testet mjekësore në Carrington.

Dhe, legjenda e Unitedit, Neville beson se ardhja e Di Marias mund të mos i mjaftojë menaxherit Louis van Gaal.

“United duhet të përforcojë qendrën e mesfushës dhe i nevojitet një qendërmbrojtës. Mendoj se ky duhet të jetë prioriteti. Di Maria është vetëm një pjesë e mozaikut që ka ende pjesë të tjera që i mungojnë”, deklaroi Neville për “Mirror”.