Angel Di Maria është më afër se kurrë nga transferimi në Manchester United.

Ylli argjentinas ka mbërritur në qytetin e Manchesterit për t’ju nënshtruar testeve mjekësore me gjigantin nga Old Trafford, ka njoftuar e përditshmja sportive madrilene “Marca”.

Di Maria është përshëndetur me bashkëlojtarët e tij në Santiago Bernabeu dhe do ta vazhdojë karrierën në një ligë të re, Premierligë. Transferimi i tij do t’i kushtojë Unitedit rekord prej rreth 80 milionë euro.

Por, një futbollist i kalibrit të Di Marias pa dyshim se e vlen çdo centë.