“Dhunuesve të zgjedhjeve” nuk do t’u bllokohet lëvizja e lirë
Në mënyrë të beftë mazhoranca qeverisëse u tërhoq sot nga amendamenti që i ndalonte daljen jashtë vendit kujtdo që do të cënonte procesin zgjedhor të 30 qershorit.
Lajme
“Amendamenti i propozuar nga zoti Bushati lidhur me penalizimin e përkohshëm deri në 10 vite, me ndalimin e udhëtimit jashtë vendit, Në respekt të konsultimit me deputetet e opozitës, kemi menduar që amendamenti mos të votohet sot dhe të jetë pjese i një diskutimi më të gjerë me ndëshkime alternative se ndoshta nuk është vetëm burgu që i bën njerezit ti thërrasin mendjes”.
Teksa shpërndau fjalimin e Ballës në Kuvend, Kryeministri Rama shkroi ne Facebook se me këto ndryshime, sa herë të vandalizohen institucionet, shkatërrohet prona private, apo goditen qytetarë e punonjës policie rëndohen pasojat penale për dhunuesit.
Kush dënohet për krim zgjedhor sipas Kreut të Qeverisë nuk kandidon dot më dhe nuk punon dot më në shtet. /tch