Dhjetëra afrikanë të mbytur në Mesdhe

Dhjetëra njerëz janë mbytur në Detin Mesdhe, pasi një anije që bartte emigrantë nga Afrika drejtë Evropës është fundosur në brigjet e Italisë jugore. Autoritetet libiane, nga ku ishte nisur anija, kanë njoftuar se 36 emigrantë janë mbytur, ndërsa 42 të tjerë konsiderohen të humbur.

Bota

12/05/2014 17:47

Zyrtarët libianë po ashtu njoftuan se 52 persona që ishin në këtë anije u shpëtuan, duke shtuar se përveç nga Libia, të mbyturit dhe të zhdukurit janë emigrantë nga Burkina Faso, Kamerun, Gambia , Mali dhe Senegali.

Qindra emigrantë janë mbytur në muajt e fundit në Mesdhe, derisa po bënin përpjekje të arrijnë ilegalisht në Evropë. Libia ka njoftuar se në qoftë se Bashkimi Evropian nuk ndërmerr hapa për t\’u marrë me krizën e migracionit, atëherë Tripoli zyrtar do të lehtësojë kalimin transit të emigrantëve drejt Evropës.