Dhjetë persona vdesin nga rrëzimi i një ndërtese në Stamboll

Guvernatori i Stambollit, Ali Yerlikaya, ka thënë të enjten përmes një deklarate se 10 persona kanë vdekur si pasojë e rrëzimit të një ndërtese tetëkatëshe, ndërkohë që 13 persona tjerë janë plagosur.

Bota

07/02/2019 19:47

Ndërtesa, që gjendet në pjesën aziatike të qytetit turk, përkatësisht në distriktin Kartal është thënë të jetë rrëzuar të mërkurën, derisa ende nuk dihen shkaktarët e këtij incidenti.

Sipas tij, 43 persona kanë qenë të regjistruar në 14 apartamente, mirëpo tre kate të ndërtesës janë ndërtuar ilegalisht derisa edhe një dyqan në hyrje të ndërtesës ka qenë duke vepruar pa licensë.

Në pamjet e para të incidentit shihen disa persona duke nxjerrur disa persona nga rrënojat.
Banorët e shtatë banesave që janë në afërsi të kësaj ndërtese, janë evakuuar për arsye të sigurisë.