Një aksident trafiku që ndodhi sot rreth orës 07:30 i mori jetën një personi.

Policia e Kosovës ka bërë të ditur se kanë pranuar një informatë se në rrugën magjistrale Kaçanik-Hani Elezit, tek vendi i njohur si “Kulla me qeshme”, ka ndodhur një aksident trafiku, ku është përfshirë një veturë.

“Ekipe të policisë, zjarrfikësit dhe ambulanca kanë dalë në vendin e ngjarjes. Nga hetimet e para mësohet se një veturë Nissan , derisa ka qarkulluar në magjistralen Kaçanik-Hani Elezit, në rrethana të pasqaruara ende ka humbur kontrollin mbi automjet dhe ka dalë jashtë rrugës, duke rënë në humnerë disa metra. Si pasojë e këtij aksidenti një person i gjinisë femër e moshës madhore ka humbur jetën. Vdekja e së cilës është konstatuar nga mjekët në vendin e ngjarjes”, tha për lajmi.net zëdhënësi i policisë  për rajonin e Ferizajt, Kanun Veseli.

Veseli tha se në vendin e ngjarjes kanë dalë edhe Njësia e Hetimeve të Aksidenteve, e cila po e heton rastin.

“Për të gjitha veprimet e policisë është njoftuar prokurori i shtetit”./Lajmi.net/

Aksident në magjistralen Kaçanik- Hani Elezit, vdes një femër