Dështon revanshi me Wilder, ja me kë pritet të përballet Tyson Fury
Tyson Fury dhe Deontay Wilder kanë dështuar që të arrijnë një marrëveshje për revanshin e meçit të 1 dhjetorit.
Sport
Në luftën që përfundoi baras, titulli i kampionit të WBC mbeti tek Deontay Wilder, në një ndeshje që të gjithë menduan se e fitoi Tyson Fury.
Këtij të fundit nuk iu dha mundësia për një luftë të dytë me amerikanin, dhe tani ai është në kërkim të një kundërshtari tjetër.
Kompanitë e basteve si ‘Betway’ kanë vënë si favorit boksierin nga Zelanda e Re, Joseph Parker, për kundërshtarin e ‘Gypsy King’, transmeton lajmi.net.
Fury ka bërë një prej rikthimeve më të mëdha në historinë e sporteve, duke u rikthyer pas tri viteve pauzë, për të garuar në një luftë që kontestohet titulli i kampionit. /Lajmi.net/