Llamkos Kosova nuk di për fitore. Skuadra vushtrriase ka dështuar sërish, duke barazuar në shtëpi me Dritën 1:1, për ta hapur kampionatin e Kosovës në futboll.

Të parët në epërsi kaluan mysafirët me golin e Xhevdet Shabanit, në minutën e 62-të, kurse vushtrriasit barazuan në kohën shtesë, me golin e realizuar nga Bashkim Shala nga penalltia.

Pas këtij barazimi, Llamkosi ka 54 pikë, katër më shumë se Ferizaj, që e mban pozitën e dytë dhe shtatë më shumë se Prishtina, që është e treta.

Fitore shënuan edhe Hajvalia e Trepça ’89. Hajvalia e mposhti Fushë Kosovën në Gjilan, 1:0, me golin e vetëm të realizuar nga Fillim Guraziu në minutën e 76-të.

Kurse, mitrovicasit fituan lehtë kundër Ferronikelit, 3:0.