Deschamps llogarit në Riberyn
Selektori i Francës, Didier Deschamps beson se ka ende kohë të mjaftueshme që Franck Ribery të ndërrojë mendjen pas pensionimit ndërkombëtar, në mënyrë që të luajë në Euro 2016.
Sport
Selektori i Francës, Didier Deschamps nuk e ka humbur shpresën se mesfushori Franck Ribery do të rikthehet për të luajtur sërish me ekipin Kombëtar.
Ylli i Bayern Munichut ka vendosur të pensionohet nga futbolli ndërkombëtar duke u përqendruar tek gjiganti bavarez. Por, Deschamps beson se ende ka shanse që Ribery ta ndërrojë mendjen.
“Franck e mori vendimin e tij por deri në Evropian janë edhe dy vjet. Ka ndodhur edhe në të kaluarën kur një futbollist ka njoftuar për pensionimin e tij nga futbolli ndërkombëtar e pastaj e ka ndërruar mendjen”, deklaroi Deschamps për mediat franceze.
“Në këtë periudhë ai duket se ka nevojë për diqka tjetër, ndoshta një ditë do ta ndërrojë mendjen, do të shohim”, u shpreh ai.