(E Plotësuar: 19:00)

Zëdhënësi i Listës Serbe, Aleksandar Spiric, ka thënë se deri në orën 17 kanë votuar 4.975 qytetar apo 17.50 për qind.

“Presim që numërimi i fletëvotimeve do të bëhet në Mitrovicën e Veriut. Besojmë që kjo do të respektohet ashtu siç është bërë më 1 dhjetor”.

___________

Komisioni Qendror Zgjedhor ka bërë të ditur se deri në orën 15:00, në Mitrovicën e Veriut kanë votuar 4091 qytetarë me të drejtë vote, ose 14.39 për qind.

Kryetarja e KQZ’së, Valdete Daka, ka pohuar se procesi i votimit është duke u zhvilluar normalisht dhe pa ndonjë incident.

Sipas KQZ’së, deri në orën 11:00, ndërkaq, nga 28 mijë e 429 votues, kanë votuar 1 mijë e 534 prej tyre, ose 5.4 për qind.

Krahasuar me zgjedhjet e tre nëntorit të vitit të kaluar, në këto zgjedhje ka rritje të qytetarëve që u janë drejtuar kutive të votimit.