Kostoja e lartë e jetesës në Zvicër po e bën gjithnjë e më të vështirë menaxhimin e buxhetit mujor për disa qytetarë.

Sipas titullit të raportimit të mediumit zviceran 20 Minuten, një person tregon se në fund të muajit i mbesin vetëm 40 deri në maksimum 200 franga, pasi i mbulon shpenzimet mujore.

Rasti ngre pikëpyetje për presionin financiar me të cilin përballen familjet dhe individët, veçanërisht për shkak të shpenzimeve të domosdoshme për jetesë.

Mediat zvicerane shpesh po raportojnë për jetesën e shtrenjt në këtë shtet, sidomos te disa pika themelore, siç është qiraja, ku në ndërtimin e ri, qiratë po kanë dallim të madh çmimi, krahasuar me ndërtesat e vjetra.

Edhe shpenzimet tjera, përfshirë edhe sigurimet shëndetësore, po ua rëndojnë jetën zviceranëve, çdoherë e më shumë.