Deputetët e painteresuar të votojnë, në mungesë kuorumi Kuvendi shkon në pauzë
Seanca e sotme e Kuvendit të Kosovës ka shkuar në pauzë.
Lajme
Dita e sotme e punimeve të seancës plenare u karakterizua me bojkot të votimeve nga deputetët e pranishëm në sallë, shkruan lajmi.net.
Deputetët u treguan të painteresuar që të votojnë pikat e papërfunduara nga seancat e kaluara plenare.
Në mungesë kuorumi nuk u votuan as tri Rezolutat që tash e një kohë kanë mbetur pezull pas përfundimit të debateve parlamentare.
Të votohej nuk arriti as Rezoluta për dështimet e Politikës së Jashtme të Kosovës, e as ajo për angazhimet e presidentit Thaçi në dialogun me Serbinë, ku përmendet shkëmbimi i territoreve.
Diskutime në Kuvend pati edhe për sponzorizimin, ndërkaq që debat u zhvillua më së shumti për financimin e sportistëve kosovarë.
Pauza e Kuvendit të Kosovës është paraparë të zgjasë deri në orën 15:00, mirëpo kryesuesi i seancës, Xhavit Haliti ka thënë se e njëjta mund të mos vazhdojë nëse vazhdon situata e njëjtë me kuorumin. /Lajmi.net/
Lexo edhe:
Nuk votohen Rezolutat për presidentin dhe dështimet e politikës së jashtme të Kosovës