Lojtari sot luajti për 90 minuta dhe u shpreh i kënaqur me paraqitjen e tij. Pas ndeshjes ai foli edhe për situatën e tij në klub, duke treguar se biseda me trajnerin Xavi Hernandez ishte pozitive.

Po ashtu, lojtari tregoi objektivat e skuadrës.

“Luajtëm shumë goxha mirë, ndonëse mund të përmirësohemi gjithmonë. Gjëja e rëndësishme është fitorja pas humbjeve së fundmi”, ka thënë De Jong, transmeton lajmi.net.

“Duam të përfundojmë në pozitën e dytë, në mënyrë që të jemi në Superkupë vitin tjetër”, shtoi holandezi.

“Biseda me Xavin ishte shumë e mirë. Kam vetëbesim, por edhe trajneri thotë njësoj, kështu që të gjithë janë të lumtur. Presioni është gjithmonë i mirë për lojtarët”, ishin fjalët e mesfushorit të Barcës.

Frenkie ka qenë një nga pikat kyçe të Xavi, megjithatë humbjet e fundit të skuadrës kanë rritur tensionet brenda kampit ‘Blaugrana’. Duket se gjithçka është tejkaluar. /Lajmi.net/