Selektori i Shqipërisë, Gianni de Biasi ka komentuar sërish incidentet në Beograd, gjatë ndeshjes së ndërprerë kundër Serbisë në kuadër të eliminatoreve për Euro 2016.

“Ekzistonte një klimë e urrejtjes ndaj shqiptarëve, unë si italian e përjetoja në një mënyrë tjetër”, deklaroi De Biasi për “Sky Sport”.

“Janë gjëra që nuk i kam parë kurrë më parë. Droni? Dikush që bën diçka të tillë është një i çmendur, por ajo ka mundur të jetë vetëm një provokim”, u shpreh ai.

Kujtojmë, Komisioni Disiplinor i UEFA-s mori vendim skandaloz duke regjistruar ndeshjen në favor të Serbisë me rezultar zyrtar 3:0. 

Selektori i Shqipërisë, Gianni de Biasi është shprehur i tmerruar nga dhuna që pa në Beograd në ndeshjen e ndërprerë kundër Serbisë, në kuadër të eliminatoreve për Euro 2016.

Strategu italian ka sulmuar ashpër Serbinë, ndërsa lavdëroi shpirtin luftarak të futbollistëve të tij.

“Lojtarët kanë qenë të jashtëzakonshëm që përballuan të gjithë këtë presion, këtë tension që ekzistonte çdo moment, duke qenë luftëtar të pandalshëm”, deklaroi De Biasi.

“Kjo është gjëja më e tmerrshme që kam parë në jetën time, këta njerëz kanë vrarë futbollin, nuk e kuptoj sesi mund të ndodhin diçka e tillë në këtë epokë ku jetojmë. Katër lojtarë janë goditur në dhomat e zhveshjes, ka qenë e tmerrshme…”.