Daut Haradinaj kërkon t’u falen gjobat gastronomëve

16:59 | 6 Maj 2021

Kandidati për kryetar të Komunës së Prishtinës nga radhët e Aleancës për Ardhmërinë e Kosovës (AAK), Daut Haradinaj, ka përgëzuar shefin e Grupi Parlamentar të AAK-së, Besnik Tahirin, për iniciativën e amnistisë fiskale për të gjithë gastronomët që u ndëshkuan nga organet përgjegjëse që nga periudha e shfaqjes së pandemisë.

“E përgëzova kryetarin e Grupit Parlamentar të AAK-së, për shtytjen e iniciativës së tij për amnisti fiskale për të gjithë gastronomët që u ndëshkuan nga organet përgjegjëse që nga periudha e shfaqjes së pandemisë”, ka shkruar Haradinaj.

Ai po ashtu, tha se sektori i gastonomisë u godit më së shumti gjatë kësaj periudhe.

“Sektori i gastronomisë edhe ashtu konsiderohet që u godit më së shumti gjatë kësaj periudhe.

Falja e këtyre gjobave është infuzion i mirë për gastronomët e goditur”, tregoi ai. /Lajmi.net/