“Dardania” mbetet pa ujë të pijshëm, ujësjellësi fajëson Termokos-in
Një pjesë e lagjes" Dardania" në Prishtinë edhe sot mbetet pa ujë të pijshëm.
Lajme
Këtë e kanë bërë të ditur nga Ujësjelësi Rajonal i Prishtinës, shkruan lajmi.net.
“Arsyeja e dëmtimit të tubit me diametër fi 250 mm, sërish vie nga dëmtimi i infrastrukturës tonë nga institucione të tjera”, thuhet në njoftim.
Kontraktorët e Ndërmarrjes Termokos edhe sot dëmtuan gypin tjetër të ujësjellësit.
Ekipet e mirëmbajtjes së rrjetit të ujësjellësit janë në teren për sanimin e gjendjes.
Kërkojmë mirëkuptim, apelojmë për kujdes më të shtuar nga kompanitë e tjera përgjatë punimeve të tyre teknike!. /Lajmi.net/