Kombëtarja daneze ka arritur ta mposht Austrinë me rezultatin 2:0 në ndeshjen e sotme, shkruan lajmi.net.

Danimarka kaloi në epërsi qysh në minutën e 21’, me golin e shënuar nga Wind.

Vendasit dyfishuan epërsinë në minutën e 37’, kur Skov Olsen dërgoi topin në rrjetën e austriakëve.

Fitorja e regjistruar sonte e çon Danimarkën në krye të tabelës, me nëntë pikë në katër ndeshje.

Austria mbetet me katër pikë në pozitën e tretë. Kroacia është e dyta me shtatë pikë, kurse Franca në pozitën e fundit ka vetëm dy pikë. /Lajmi.net/