Në takimin mes Getafe-Barça, e cila përfundoi me humbjen e parë të katalanëve nën drejtimin e holandezit Ronald Koeman, mbrojtësi Gerard Pique shfryu ndaj shokëve të tij të skuadrës, veprim që u kap nga kamerat dhe u “transkriptua” nga “El Golazo de Gol”.

Në minutën e 71-të, kur Barça po humbiste 1-0 pas një 11-metërshi të shndërruar në gol nga Jaime Mata, Getafe krijoi një rrezik më të madh te porta e Netos. Në këtë moment,  Pique nuk u përmbajt dhe e shfrenoi gjuhën ndaj shokëve të ekipit: “Kurva mu*i, a keni gjak!?”.

Pak çaste më vonë, Getafe po avanconte lehtësisht drejt portës së Netos dhe qendërmbrojtësi veteran u shfaq përsëri aktiv: “Zgjohuni, lëvizni pra, dreqin!”.

Reagimi i Piquesë nuk vlejti për asgjë, sepse Blaugranat ishin të pafuqishëm për të kthyer rrjedhën e lojës, duke pësuar humbjen e parë në kampionat. /Lajmi.net/ 

? @3gerardpique superado por los suyos y por el @GetafeCF

? #Golazo https://t.co/rdt6tK7MMu

— El Golazo de Gol (@ElGolazoDeGol) October 19, 2020