Diego Costa e ka pranuar se ka mundësi t’i bashkohet Chelseat gjatë verës. Së fundmi flitej se sulmuesi brazilian me pasaportë spanjolle tashmë veç i ka kryer vizitat mjekësore me klubin nga Stamford Bridge, me një marrëveshje prej 43 milionë eurosh.

25 vjeçari u rikthye në fushën e blertë kundër El Salvadorit të shtunën, duke e zhvilluar ndeshjen e parë që nga finalja e Ligës së Kampionëve, kur ishte larguar nga fusha pas një lëndimi të pësuar në pjesën e parë.

“A do të shkoj në Chelsea? Kështu duket”, deklaroi Costa në konferencë për shtyp.

Costa pritet ta ketë rrogën trefish më të madhe, ndërsa besohet se aktualisht ai paguhet 61,000 euro në javë në Vicente Calderon Stadium.

Chelsea do t’ia ofrojë 25 vjeçarit një kontratë pesëvjeçare, me 185,000 euro në javë.

Mourinho ke konfirmuar se do ta transferojë një sulmues që shënon gola, pasi nuk është i kënaqur me ato që dhanë treshja  Torres, Eto\’o e Ba gjatë sezonit që shkoi.