Cristiano Ronaldo bëhet gati për debutimin e tij me Juventusin në Serie A.

Sulmuesi portugez do të bëjë paraqitjen e tij të parë zyrtare me “Bianconerët” në duelin ndaj Chievos me fillim nga ora 18:00.

Kurse, takimi sot ka vendosur rekord të interesimit të gazetarëve.

Mbi 150 gazetarë janë akredituar për ta ndjekur takimin, raportojnë mediat italiane, përcjell “lajmi.net”.

Ata vijnë nga shtete të ndryshme: Gjermania, Spanja, Franca, Portugalia, Holanda, Anglia, Kina, Japonia, Egjipti dhe Shtetet e Bashkuara të Amerikës.

Po ashtu, për ndeshjen e parë të Ronaldos me Juventusin në Serie A janë akredituar plot 70 fotoreporterë. /Lajmi.net/