Tashmë një ikonë te ‘Zonja e vjetër’, Chiellini, jo gjithherë duket të ketë qenë në disponimin më të mirë në Torino.

Qendërmbrojtësi dhe kapiteni i Juves, ka zbuluar së fundmi se Real Madrid dhe Manchester City ishin afër të siguronin shërbimet e tij.

“Isha afër që të lija Juventusin në dy raste gjatë karrierës, në 2010 dhe në 2011. Ndodhi që mendova për këtë”, ka thënë Chiellini, transmeton lajmi.net.

“Në rastin e parë unë ishta afër transferimit te Real Madrid, kurse në rastin e dytë, te Manchester City. Isha shumë afër spanjollëve”, ka shtuar italiani.

“Agjenti im pati bisedime me përfaqësuesit e Real, por Mourinho saop kishte ardhur dhe kishte kërkuar Ricardo Carvalho. Juventus ishin të lumtur që më mbajtën. Marotta sapo kishte ardhur. Në rastin e dytë, u takova me ekzekutivin e City, në Milano, por asgjë nuk ndodhi”, ka zbuluar mes tjerash mbrojtësi.

Chiellini ka fituar tetë tituj të kampionit me skuadrën e Juventus. Ai nuk mund të jetë pishman për vendimet e tij. /Lajmi.net/