Chelsea kërkon Hysajn (Foto)
Sipas raporteve të fundit që arrijnë nga mediat sportive, mësojmë se Chelsea është hedhur në sulm për të siguruar shërbimet e lojtarit të Empolit dhe të Kombëtares Shqiptare, Elseid Hysajn.
Sport
Chelsea ka shfaqur interesim për mbrojtësin e kombëtares shqiptare, Elseid Hysaj, shkruan Express.
Sipas portalit Chelseanews.co, 21 vjeçari ka zhvilluar paraqitje mjaft të mira me ekipin e Empolit në Serinë A, dhe për këtë shkak ai është vënë nën shënjestër nga shumë ekipe të tjera si Lazio, Roma, Leverkusen, Schalke dhe tash së fundmi edhe nga ekipi i Chelsea.
“I fortë në mbrojtje dhe me mjaft përvojë për moshën e tij, gjithashtu lojtari mund të luajë në të dy krahët e mbrojtjes. I vetmi problem në krahasim me Ivanoviçin, është se shqiptari nuk ka ato aftësitë e mira në lojën sulmuese, por për sa i përket lojës mbrojtëse ai është një lojtar i shkëlqyer”, shkruhet në këtë portal.
“Hysaj mund të transferohet për rreth 13 milionë euro dhe do të ishte një transferim i shkëlqyer duke parë moshën mjaft të re të lojtarit”.