Bernard Challandes ka futur në listë edhe emrin e Celinës, i cili së fundmi ka shkëlqyer me skuadrën e Swansea City.

Celina, i cili luan në pozitën e 10-shit, ka treguar nivele të larta, madje realizoi gol edhe në ndeshjen kundër Manchester City.

Ai nuk ishte i përfshirë në listën e Kosovës në ndeshjet e fundit në Ligën e Kombeve, por tashmë ka rifituar një vend tek Challandes.

Për këtë lojtari është shumë i lumtur. Madje, këtë e ka treguar edhe në rrjetin e tij social në ‘Instagram’.

“I lumtur të kthehem prapë tek Kosova” është shkruar në një postim të Celinës, përcjell lajmi.net.

Me formën e treguar, lojtari i Swansea City pritet të jetë në formacionin e parë të Challandes. /Lajmi.net/