David Moyes ka identifikuar Edinson Cavanin si pasardhës të Wayne Rooneyt në Manchester United.

Kampioni i Premierligës është i gatshëm të përkrahë menaxherin me një buxhet të konsiderueshëm për angazhimin e përforcimeve gjatë afatit kalimtar të verës.

Moyes ka insistuar se Rooney nuk është në shitje mirëpo bisedimet mes palëve rreth vazhdimit të kontratës kanë ngecur dhe besohet se 28-vjeçari do të largohet nga Old Trafford në fund të këtij sezoni.

Dhe, sipas medieve britanike Moyes ka filluar kërkimin për një zëvendësuar të denjë dhe Cavani është objektivi i tij kryesor.

Ylli uruguaian iu bashkua Paris Saint-Germainit nga Napoli vitin e kaluar në marrëveshje me vlerë prej rreth 60 milionë euro mirëpo raportohet se është i pakënaqur me nivelin e garës në Ligue 1 dhe mund të largohet nga Parc des Princes në fund të këtij sezoni.